又係口水時間。首先，多謝咁多位支持我地既新片﹣鐵拳快打！
其實拍呢類形既片一直都係我兒時夢想，你都知我係睇超人大架啦！
雖然真係好ON9，但係一路睇一路屌都係樂趣之一黎既！
我發覺，到真係要郁手拍既時候，先知道原來真係好辛苦。
我地打鬥位，係由一早7點鐘，拍到下就5點...正宗日出拍到日落，
我齋企都累到仆街。
係呢度，我要特別多謝羅浩銘（大師兄）義務合作，如果無佢，呢段片係唔會拍得成。第二個要多謝既係呀東（呀明），好難得先比我地搵到一個咁ON9既人，願意幫一班3唔識7既人拍片（佢係我地就咁係條街度搵返黎）。
最後要多謝既，當然就係整特技同導演既呀Fox。
我知道好多人都擔心我以後係咪唔會再拍自己野。我可以同大家講，放心。足球小將，九唔搭八係會繼續。Turbo哥，小學雞遲D都會出現。其實我一路都係諗到乜就拍乜。呢D野逼唔到出黎，不過只要有一人仲有人鍾意，仲有人睇既話，我係會繼續努力做片！
多謝咁多位仆街支持。
Search